( مش مبسوط ) :
انا مخنوق انا مش مبسوط
حاسس إني بجد بموت
ليه الدنيا ضاقت في عينيه ؟
زي ما اكون عايش في تابوت
كنت زمان عايش متهني
كانت الضحكة قريبة مني
ليه دلوقتي حياتي عذاب ؟
عايش لكن غصب عني
كنت اما القى دموع في عينيه
القى حبايبي كتير حواليا
ليه دلوقتي ما بالقاش حد
مرة يفكر يسال فيا
ارحمي ضعفي يا دنيا وحني
دايما ليه بتخيبي ظني
بافتح ليكي ايديا يا دنيا
وانتي يا قاسية بتهربي مني
قطر العمر اهو عدى وفات
زي ما باصبح زي ما ابات
اهي ايام وسنين بتعدي
وبكره يقولوا الراجل مات
انا مخنوق انا مش مبسوط
حاسس إني بجد بموت
بقلمي الشاعر جمال زكي عينر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.