حسن حفني
مربعات المخبوز
..............
مية ورد عيشك و منشوب
قردح و زان الطبالي
مين بالعصايه ومين شوب
طبطب و طابله الطابالي
...
مية ورد عيشك وعاجناب
شكلتي قطيعة بيدك
كل قطمه تنده ل عاج ناب
مين ده اللي يقدر يبيدك
.......
مية ورد عيشك يا ياماي
ولا عمري انا اقول عليه له
ولا اقولشي مره يا يمه آي
بلسم يداوي العليله
........
مية ورد عيشك يا شربات
زاهي و بيلمع صفاره
لو يخلا خيرك في شر بات
الوش يشحب صفاره
.......
مية ورد عيشك و فطران
جملان في طعمه محامي
متعشي منه وفطران
في القسمه عاوز محامي
........
مية ورد عيشك ده فينو
رشوا عليه حب سمسم
غايب حبيبي ده فينو
و حبيبي خايل مسمسم
...............
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.