أغنية
من ساعتين
..........
من ساعتين ....
وله الصبح بدرى
معرفش أنا......
إيه اللي خلاني هنا
وممشيتش دوغرى...
شوفتها واقفه هناك
أخدت هى عمرى
دى عليها ضفرتين
وله الضحكه ويا غمزتين
آه يانه يا غولبى
دى خدتنى الخطوة ليها
وعينيها شايف فيها
دنيا فيها سعادة
دا الشوق جوايا ليها
عمال يجرى
ياترى القلوب هتتلاقى
ويا الحب وشوية زيادة
سألت ليها بعينيه سؤال
جوبتنى برمش العين
وسألتنى عمرك كام
قولتلها أنا ساعتين
من ساعتين ...
وله الصبح بدرى
معرفش أنا......
إيه اللي خلاني هنا
وممشيتش دوغرى...
خدتنى الخطوة ليها
وقولتليها أستنى دقيقة
لقربك شوفيلى طريقة
وله قلبك حس منى بخوف
طب إهدى أعملى معروف
دى الناس ياما
فرقت نفوس.......
آه ... من ساعتين
وله الصبح بدرى
معرفش أنا......
إيه اللي خلاني هنا
وممشيتش دوغرى...
دا أنا عمرى
ما أكدب أحساسى
مهو خلاص....
بان اللى جواك
دا ملاك واقف قدامى
مش شايف أنا
من غيرك بنى أدمين
وعيونك الضى منها يلالى
والكسوف منها تلاغى
طب أمتى أذاى وفين
جوبتنى هى وقالت
بقالى كدا ساعتين
من ساعتين...وله الصبح بدرى
الشوق ليها عمال جوايا يجرى
من كتاباتى
هشام عبدالله
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.