الشوق ( 167)
.....................
وسجنت الشوق
يا جاااااااااااري
في قلبي من زمان ..
ورضيت أصبر وأداري
وأخبي أحاسيس تبان
عوديت العين تشوفك
لا تلمح بالسلام
غيرت بأيدي حالي
بغرق في بحور ملام ...
وأستنى بعيد لا طيفك
عالبال خايفه يبان
وحكمت عليا
أداري أداري
وتقفل في البيبان ..
وسجنت الشوق
يا جااااااااااااري
عايشته في وهم كان
حارمه إن يحكي حلمه
هتهجر له المكان ..
لحظات تسيب وتنسى
زودت جراح هواه
ولا مرة قلبه حسك
ولا عد حروف هناه
وحياة حبي اللي زارك
وعيون فكت حصارك
غرقت في دموع ندمها
وكسرت برواز ألامها
تاه بر شوق أمالها
وحرقت مركب نجاتها
وبعدت عن اللي فاتها
لقيت بر الأمان ..
لأسقيك من مر دقته
وتعيش إحساس ما شوفته
تندم على يوم فيه خونته
وهسيبك للزمان ...
لعيون تقابلها تاني تغزل
قسوة ليالي ..
من نفس كاس مراري
لك يوم هيجيللي تاري
شوقك مسجون قبالي
ودعيت عليك يا جااااااري
تغرق في بحور مراري ...
وتندم عاللي كان
بقلم .. صبري رسلان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.