السعادة ... ف الرضا *****بقلم عادل جاد

السعادة ... ف الرضا
*****
الفلوس بتغير النفوس
بتخلى جوا القلب تروس
تخلى الأخ على أخوه يدوس
ملعونة هية دى أم الفلوس
إللى كل البشر فيها مغشوش
بصوا وافهموا يا سادة
يالى بتعبدوا الفلوس عبادة
الفلوس موش كل حاجة
الفلوس موش هية السعادة
السعادة فى وش باشوش
فى أذى عن أخوك تحوش
إللى مبيعملش خير فيها مالوش
ده خلاص تعده م الوحوش
عارفين ليه الكل بيعانى
عشان النفاق عاد سمة زمانى
كل واحد عاد له وش تانى
دا التضحية بقيت أمانى
السعادة موش رقص وأغاني
السعادة أنى أصون وطنى ومكانى
أنى أحس فى بلدى بكيانى
الكل لاخوه يحضن ويبوس
وهو بفكر له فى مهموز
دا الكل للمال بس ساجد
آه خربت خلاص المساجد
القلب عاد حاله جامد
محدش لربه حامد
الكل ف الشر بيجاهد
عن الخير تملى باعد
محدش لاخوه بيساعد
ليه الهم حط بينا وشال
ليه الدمع ع الخد سال
ليه تملى مشغولين البال
موش حاسين بالأمان
عشان هحرنا القرآن
مشينا ورا الهوا والشيطان
عشان كدا السعادة بعصيان
موش عارفين ليها آوان
معدش ليها بوحودنا آذان
السعادة ف الرضا والإيمان
عدنا من بكرة بنخاف
الهم واضح وشفاف
عشان مفيش عدل وأنصاف
******
بقلم
عادل جاد