( لوحه رسم ).........ابو رامى الاسواني

( لوحه رسم )

هرسم لوحه
وامسح منها كل الملامح
ومش هسامح
اللي خان أو افتري
وهلم فيها كل الوشوش
الكئيب والبشوش
وهعلم عليهم بالقلم والمسطره
وهشطب ع اللي
في يوم اذاني
حتي لو كان بالمنظره

همسح منها ضحكه كانت
عالشفايف منوره
تقرب منها بتلاقيها
متلخبطه
ضحكه صفره
تملا الوشوش
بس عليهم متظبطه
والحضن بتاعهم يملا كون
وفي السكون
تلاقي السهام متسلطه

همسح سنين مليانه هم
واحزان كتيييير
وهمسح منها اي حد
داس في يوم عليا
همسح عيون كانت
بنظارتهم تغيظ
كنت بشوف فيهم
كلام لكن لذيذ
والاهانه منهم تبان
من غير كلام

همسح منها اي شيء
في يوم اذاني
أو ملاني بالهموم
ومش هلوم على حد تاني
خلاص بقي ملوش لزوم

ابو رامى الاسواني
١/٣/٢٠٢٠