( حيلك يا واد حيلك ) :
حيلك يا واد حيلك
حاسب على مهلك
هو الوصال والحب
معمول على قدك
طب ما احنا برضه كمان
بنحب وبنتحب
بلاش تعيش في الدور
الزم يا واد حدك
حيلك يا واد وبلاش
تعمل فيها علام
مهما تغوص في الحب
وتقول في احلى كلام
حيبقى ناقصك يا واد
خبرة كتير في الحب
ده الحب بحره غوبط
دايما عايز له علام
حيلك يا واد خليك
في العادي والمعقول
كفاياك دروس في العشق
ده العشق شرحه يطول
العشق مش غندره
وكلام بيتغنى
ده العشق اخد وعطا
واصل مع موصول
بقلمي الشاعر جمال زكي عينر
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.