ضحكة مقاسك بقلم محمد محمد الطنطاوي

قصيدة . .. ضحكة مقاسك
لو هتخاف...
إلمس خوفك من جواك
واحضن إحساسك
وارسم نور ممزوج بملامحك
روح بتروح وتإيد الحلم ف ليل أحزانك
زي بريق ناصب ف عيون العتمة شراع
وبقلب برئ
خايف يصبح ف التوهة ضياع
وتدوب ف جمال الضحكة البكر
هموم تهرب من حيز روحك
تحضن طيبتك
وتطبطب فوق نزف جروحك
وبينخر من جوه ضلوعك
وجعك هربان من أنفاسك
وإن جه موتك سلم أمرك
وإقلع جلدك
سافر جوه نزيف الحلم
وحب مشاعرك واحضن ناسك
وإن يوم ماعرفتش تتبسم
روح لملم ف وشوش الخلق
وطلع من ملامحهم
ضحكة
بس تكون ضحكة مقاسك
مع تحياتي
محمد محمد الطنطاوي
2/3/2016