الفقر دَوا بقلم زكريا ضاحي توفيق

الفقر دَوا
********
ناس كتير
الفقر ليها دَوا
شاربينه ببلا ش
أصل الفقير لو اِغتنى
هَيذِل كُل الناس
رَبَّكْ يا وَلَدِي ليه حِكَمْ
اِنت مَتعرفهاش
********************
ولا كُلْ مَنْ لِبِس عَبَايَه
بقى عُمده
ولا كُلْ مَنْ كَلْ كَبَابْ
اِبن ناس
كُلْ اِلحِكَايَه فِ الرضا
تِسد جُوعَكْ لُقمَه حَافْ
وِيضُر إيه بَرد اِلشتا
مع جسم ساتره لِباس
******************
ياما خَلْق راكبه هَامَر
والقلب منها سَلَّم نِمَر
وياما خَلْق راكبها اِلهَم
وتشوف وشوشها
دَهَب والماس
كُل اِلحِكايه فِ الرضا
ولا إني أسمع كلام الناس
**********************
متقولش يا ابني ليه كدا؟
إني اتولد فقري كدا
دا الفقر دَوا علاجه ببلاش
سامع كلامي يا وَلَدِي
ولاَّ باصصلي وخلاص
********************
شعر / زكريا ضاحي توفيق
# شاعر الغلابة #
مند يواني ## دوووووووشة ##