(حلو كلك )
شعر عارف شلش الساعدي
حلو كلك احس
ابكل معاني البيك
طولك والجمال البيك
ما في واحد ايملكه
من توقف ومن تقعد
ومن تمشي اشوفنك
ومن مثلي احس
اليطلب الشركه
يريد اوياك يتمناك
كل لحظه
وحت ذاك الخيالك
ماهو ايتركه
حب عذري وعشق قاتل
يبعد الروح ماخذني
وعسى ذاك العشق
تحل بيه الف بركه
واعيش اوياك ماانساك
أظل اهواك يمدلل
ويتابع طريقك
اصبح ايسلكه
ويوم الي بعد كل يوم
اشوفه ايزيد
وصار سنين يبحث
عكه اومكه
يدورماكو مثلك
بالحسن موجود
ومعادن بالبشر
بس حكه اوفركة
يطلع بيه مثل
غربيل وتصفي
وحياتي اويه الوكت
كل لحظه بعركه
وانته اقبالي واتخايل
عساك اتكون بحظاني
وتاخذ كل حناني
وشبيه التملكه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.