سهام الموت
العدو كان هناك بعيد
ودلوقتي بقى عالحدود
جيش لئيم جحافله زاحفة
ما يحوشها عنا جدار سدود
فرسانها هما اللي منا
اخويا صاحبي ويمكن صديق
وفيها بنتي وامي و ابويا
مرميين هنا عالطريق
وفيها غول فك القيود
والموت ما بينا بقى طليق
يا هل ترى الدور عليا
والموت قدر مكتوب نصيب
يا هل ترى يا سهم يا طايش
جاي تاخد ولمين تصيب
يحيى حسين 18 يونيو 2020
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.