احساس مرهون
وضمير معدوم
وفلوس بالكوم
والعقل خراب
والصحبه هباب
سهر ومجون
وذنوب بتهون
وعقوق ولدين
خايف ليكون
فى يوم انسان
الاسم غريب
والفعل مريب
عايش مرجان
واصحابه نقاوه
ده اسمه بقلاوه
والى اسمه تقلايه
امال
ديه نقاوة عين
تسال أمه تقلك محسود
مسكين مرصود
اصل البناادمين مليانه حقود
الاب يهين الام تدافع
يحلف بعلو الصوت والله ما نافع
يخرج غضبان
وحالف ما يعود
الام تبكى وتبعتله مراسيل
الواد لاجل اللقمة يعود
ويقول ويعيد
ولامه يزيد
تجرى الايام
والسكينه سرقاه
يبكى ويقول الاه
كبرت ومحتاج لصبيه
زى زمايلى فى الدبلوم
اخر واحد اتجوز من كام يوم
والكل يقول من فين
وانت للقرش ما بتصون
يحلف ليهج
وباسلوبه الفج
يرعد ويصد
ولأمه يشد
تبكى وتنوح
و بصوت منبوح
تدعيله ربنا يهديه
ابواويس
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.