شعر غنائى بقلم الشاعر محمد البريمى

شعر غنائى ..

(( لو كنت أعرف ))

لو كنت أعرف كده م البدايه .. إن قلبك راح يتحول ..

لا كنت شغلت بالى .. ولا كان شوقى هيطول ..

خونتى حبى بس ليه .. و الأمل كان ف إيديه ..

ولا هواكى م جاش عليه .. طاب قوليلى كده م الأول ..

لو كنت أعرف ..

بعد م أديلك سر حياتى .. و إخلاصى ووجدى ..

تهون عليكى دموع عينى .. و محبتى وودى ..

م فكرتيش ليه ف عذابى .. كنت ليه بس بتخلابى ..

ولا ده ذنبى و عقابى .. كل م أبنى إنت تهدى ..

لو كنت أعرف ..

لو كنت أعرف إن حبى .. ليكى هيكون رخيص ..

كنت قتلت الحب زمان .. و موت بإيدى الأحاسيس ..

لا صونت عهد ولا صونت عشره .. البعد عنك أغنى و أحلى ..

يكفينى شرك ألف مره .. الطبع غالب و القلب خسيس ..

لو كنت أعرف ..

بقلم الشاعر ..

محمد البريمى ..