قصائد قصيره 56 *** بقلم السيدابوطاحون
*********
تعيشي يا لبنان .. وتقهري الاحزان
و تشيلي من سكتك اللي مالوش لزمه
و عشان عيون فيروز فارقينا يا ازمه
ما عاد مكان للصوص ويفضل الانسان
*********
يا ام الصباح الندي
اياكي تترددي او تقعدي تعددي
حاسبي اللصوص ع الفصوص
وع الفلوس تسعدي
*********.
وعهد الله بحبك
يا قلب كله نور
واللي فكر يهدك
يقرأ بين السطور
*********
امتى العيال ياعيشه
من المحله تلبس
ويوم العيد ياخيشه
نعرف طعم الملبس
*********
احنا عايشين جوه غابه
والقانون للديب ما ينفع
اللصوص عايزين صلابه
ربما نحتاجو مدفع !
*********
سطري نور للغلابه
وأبني بدل القصر مصنع
وابني سجن للديابه
خلي احلى كلمه تطلع
*********
لسه العسل م الجبل
ما فيش عسل زيه
الواد حص له خبل
لما لمس ضيه
وبعد فحص الاطبا
قالوا الولد مسحور
لكن طبيب الاطبا
قال سكنوه حيه
*********
صباح .. غلته افراح
وشاديه تغني يا حبيبتي
وعبده للقمر مداح
رسمها الحلو وبناها
ورغم الهم والضيقه
يغني وقلبه نهر سماح
*********
وكيف يكون لي مستقبل
بدون اهلي واحبابي
قابلت العلم في قلوبهم
وزرعوا النور على بابي
*********
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.