......................(زى مين)....................
زى مين
قوليلى انت زى مين.
يالى قلبك غير قلوب
العاشقين.
نمشى الطريق و قلوبنا
فيه متجمعة
نفس الطريق نرجعه
متفرقين.
......
ليه عيونك فى الطريق
قابلت عيونى.
يالى حبيتك بعقلى
و بجنونى.
ليه كلامك عاش فى قلبى
و غنوتك سكنت سكونى.
ليه قابلتك ليه وعدتى
ليه عشقتك ليه تخونى.
فين كلامك فين عهودك
و انت فين.
يالى قلبك غير قلوب العاشقين.
.......
زى مين فى الحب انت
يالى حبك اتولد
فى يوم ما خنتى.
يا ريت يا قلبى كنت قاسى
يا ريتك انت
فى يوم ما كنت.
......
ليه يا صدفة بتجمعينا
و تلعبى بأوتار قلوبنا.
و ترجعى و تفرقينا
و ترسمى سكة عذابنا.
هو ده المكتوب علينا
حزننا و حيرة شبابنا.
ولا يا صدفة كتير علينا
ان الامل يرقص ببابنا.
......
ليه الصدفة اختارتنا
و احنا فى وسط المفارق.
نفس اليوم اللى فيه بنعشق
هو برضوه فيه نفارق.
مش كتير فى لحظة واحدة
تفرح عيونا
و فى دموعنا القلب غارق.
......
رجعيها يا صدفه تانى
رجعيها.
مش كفاية عمر و انت
بتخدعينى و تخدعيها.
ولما القلوب اتجمعت
ليه فى لحظة
ترجعى و تفرقيها.
عايز اقرب منها اكتر
و اروى قلبى بنور عنيها.
عايز اجرب مرة فرحة
بس نفسى تكمليها.
.......
مش كفاية انى اشوفها
ونفترق تانى فى ثوانى.
مش كفاية عايز احب
و فى عيونها اعرف مكانى.
جمعينا يا صدفة صدفة
حققى لينا الامانى.
..
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.