( كلام بيني وببنها) كلمات/صبري حسين
كلمة مني
كلمة منها
بتعاتبني
بعاتبها
الكلام دار بني وبنها
من غير ما احس اعترفت لها
بحبك من زمان
بحبك يا كل الحنان
بحبك يا بر الامان
ضحكت
قالت كنت فين من زمان
كنت فين يا مجنون
كنت حاسة انك بي مفتون
لمحت حبك بين السطور
كنت حاسة انك مش قادر
تخبي اكتر من كدة المشاعر
قلت بكره على البوح يقدر
لكن كل يوم كنت بتكسرلي الخاطر
خلتني عايشة وسط المخاطر
كل ما تلعب بي الافكار
اصبر نفسي واقول ده شاعر
بيكتب لغيري وانا مش على الخاطر
احساسي يقول لا انا اللي ليا كل المشاعر
كلة كلمة كل في خواطره ولا شعره
لي انا
حتى نثره
مقصود به انا
ده اللي حاسة به انا
متأكدة من مشاعرك
شايفة حبك
حاسة عشقك
كنت بتمنى تتخلص من خوفك
تيجي تعترف بحبك
وقتها اخدك في حضني
اسمعك نبض قلبي
انا ياما حاولت أقرب منك
لكنك كنت عني بتبعد
أحوالك حيرتني
تصرفاتك جننتني
شايفة الحب في عيونك
فاهمة كل حرف من كلامك
صورتي باينة على سطورك
ياما كان نفسي بكل قوة امسكك
افضل ارجكك
اطلع من خوفك
اتخلص من خجلك
انا فاهمة
انا عارفة
انا حاسه
منتظرة منك كلمة
ليه تبخل بها عليا
كلمة تنور لي الدنيا.
ترجع ثقتي ليا
اعمل ايه قولي
ياما حاولت اكذب قلبي
اقول عمره مافكر في
تكذبني عيني
تقول طب ركزي في عنيه
ليه دايما يبعد عينه عن عيني
ليه بيتكسر الكلام علي شفايفه
هو اللي صنعته الكلام
لما يكون معايا يضيع منه الكلام
معقوله اكون عايشة في الاوهام
لا انا عمري
ما كذب عليا احاسي
متأكدة من حبك
سامعة نبض قلبك
كل ده كان بيدور في خيالي
شوف عملت ايه في
صدقيني يا عمري
كان غصب عني
كتير حاولت أبوح عن اللي في قلبي
ياما حاولت اعبر عن نفسي
خايف اتكلم تبعدي عني
الخوف قتلني
اوقات كتير اكذب احساسي
معقولة تحس بي
معقولة تقدر تفهمني
أسئلة كتيرة درات في رأسي
ياما لعبت بي افكاري
بصراحة كنت مستكترك على نفسي
يا ما حاولت اهرب وابعد عنك
كل ما امشي امشي إليك
كل الطرق بتوصل لك
لما كنت احب اكتب عنك
الاقي القلم فرحان بيضحك
اسمعة بينادي الحروف
تعالوا بسرعة اترصوا صفوف
احضنوا السطور بلا خوف
الكلام طالع يجري
كلام بيوصف مشاعري
كله طالع من قلبي
اكتب اسمك
ارسم صورتك
تحتها انا بحبك
ياريتك تحسي بي
يا غالية اووي عندي
انتي أغلى من نفسي
يا ما نفسي كنت اضمك
اقولك ياعمري بحبك
بحبك ونفسي اقضي عمري جنبك
اعيش في قربك
ارتوى من حنانك
نفسي تدخليني جوة قلبك
كل ما اجي أقرب منك
خوفي يبعدني عنك
اهرب منك على فين
انتي ساكنة القلب و العين
انتي نبض القلب
بحبك كل الحب
ايوة يا حياتي
انتي كل حياتي
أقرب لي من نفسي
انتي حبيبة قلبي
انتي فرحة عمري
انا ندمان على كل لحظات خوفي
عمري ما اسامح نفسي
عن كل اللي راح من عمري
وانتي بعيدة عني
بحبك يا عمري
يا اغلى من عمري
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.