حمال الاسيه.......#حسين_متولي

حمال الاسيه
ياما قاسيت ياشعب مصر
واتكويت
وانت حمال الاسيه
سخروك تحفر قنال
علي المشانق علقوك
في دنشواي
جت تحرر أرض غاليه
اسلحه فاسده وباعوك
وانت حمال الاسيه
ولما قلت ارضي بلدي
وحابني فيها سد عالي
وقنالي دي حته مني
لموا بعض ودمروك
وانت حمال الاسيه
ركبوا فوق سينا وقالوا
اللي حايفوت راح يموت
استنفزوك
بحر البقر شهدت عليهم
لما خلوا المدرسه كومة تراب
وانت حمال الاسيه
بس جيشك من ولادك
والعزيمة ميه ميه
رجعت الأرض ومعاها
الكرامه المصراويه
وانت حمال الاسيه
والغلا ينهش في رزقك
وانت صابر
لأجل أرضك لأجل عرضك
لأجل جيشك
يبقي دايما رافع الرايه
ونشيدك مصر دايما
بك قويه
احفظ اللهم بلدي
مهما كانت الاسيه
#حسين_متولي ٢٠١٩