( اعتذار) كلمات/صبري حسين
الرسالة وصلت
في البداية عايز اقولك
انا اسف
اسف اني حلمت
اسف اني اتمنيت
وفي خيالي عشت
انا بعتذر
يمكن اعتذاري جاي متاخر
اعذريني
انا كنت من كلامك من غير خمر بسكر
كان كلامك احلي من السكر
كنت بحلق واطير
ليه مرة واحداة تسقيني المرار
ليه باايدك ترميني في النار
ليه تخلي حلمي ينهار
ليه بتقتلي شمس النهار
مش انتي اللي قولتي انا معاك هاكمل المشوار
مش انتي اللي قولتي انا اللي في ايدي القرار
وصورتي لبكرة اجمل صورة
وخديني باحلامي لفوق ابعد من القمر
صدقتك لما قولتي حبك هو الخيار
والله انا محتار
انتي هي انتي
معقولة بسرعة اتغيرتي
اتحولتي
اتبدلتي
كدة مرة واحداة
بدون سابق انذار
ممكن تفهميني
ممكن تعرفيني
ايه اللي حصل
ليه خلعتي جدور الامل
ليه هدمتي كل صور الجمال
معقولة ده حصل
لا ده شيء محال
ولا يمكن يخطر علي الخيال
ده شيء محال
هي ايه الحكاية
معقولة
النهاية
تكون قبل البداية
انا عندي مليون سؤال
ليه وليه
لما انتي مش عايزة
قربتي ليه
لما انتي بايعة
كنتي ليه بتعملي في كدة
معقولةتكون تمثلية
ولا مجرد اغنية
ولا كنتي عمالني لعبة
بتتسلي بي
راحت فين انهار الحنية
معقولة جفت بالسرعة دية
راحت فين الصورة الحلوة لبكرة
خلاص نسيتي احلامنا الوردية
فين كلامك عن بيتنا الصغير
اللي محوطه الشجر
اللي هانزرع في كل انواع الزهور
ونخرج في جنتنه بعد العصر
نشم كل العطور
ونسمع تغريد الطيور
هي وبتغني علي الاشجار
فين راحت كل الوعود
خلاص نسيتي كل العهود
انا خلاص اعلنت الحداد
ولبست السواد
واعلنت لكل العباد
الحب خلاص مات
اصبح ذكريات
ولاعزاء للسيدات
صبري حسين
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.