عتاب
ــــــــــــــــــــــــــــت د. صالح العطوان الحيالي -العراق- 25-3-2019
ترى التواضع والادب طبع بالإنسان
الإنسان ما يحليه غير طبعه
ما فيهم الزين في بعض الأحيان
والزين زين الروح والصدق نبعه
عتبت اعله الوكت والدنيا والناس
الي خانوا زادنه وخانوا ملحنه.
فتحت بيتي وكلبي بلا مستحه وخوف
وصاروا كدامنه ال جانوا ورانه
جنه نشوف كل شي وكل شي نقرأه
عندي عيون بس مدري اشعمانه
غدر بي الوكت ما صحيت يا حيف
انحنه ظهر الوكت بس ما حنانه
إذا صاحبك خانك سهله وتهون
بس شلون بالخانه زمانه.
صدمة تجيك من أبعد الناس تجرحك
يمكن تجاوزها بحسبة ثواني
لكن لوجتك من أقرب الناس تذبحك
اذا تريد تنساها تحتاج عمر ثاني
ومو كل من تقابله ترتاح لاطباعه
الناس اللي في القلب من قيمة مواقفها
تقابل انسان وعيونك على الساعه
وإنسان لو قابلك ودك توقفها
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.