خربش يا زمن وشى
وزيد وزيد ف لعبة الخرابيش
دا صار الوش مش وشى
وساكنه القلب حرقة الخرابيش
وهاتى يا مراية الزمن هاتى
الصوره اللى اتمحت من هجمة الخرابيش
وسافرى يا عينى سافرى ورا الصوره
وروحى ف عش الزمن اللى صار م الهيش
حلم الصبا اللى لازمنى
وصورة النور اللى صار ما يجيش
هل وطوف يا ربيع العمر
يا اللى سكنت القلب
وكنت يومها مفيش
رايحه وجايه ف الطريق وحدى
بشاكس الشمس اللى ف دفاها بعيش
طب شعاع الامل عاشق سكن قلبى
وحلمت يوم ناكل فتات العيش
ونغنى فوق الارض احلامنا
اللى بقت ساكنه رغيف العيش
خدنى هواه وسهرت احلم بيه
وسكنت باله وغيرى مفيش
حضنى جفن الحلم وعشت بيه
ارسم له صوره فوق شالى وفوق توبى
واحلم بيوم يدق الهنا بابى
يدخل عليا ويرسم الفرح اللى فوق توبى
وياخدنى عش الهوى نروح مانجيش
لكنه حلم مات على بابى
اما سرقنى الزمن
وزود الخرابيش
رفيق القلم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.