خايفه ليه
هي حد
وانت حد تاني
هي طعم
بس كان في حلقي مر
وانت طعم تاني
هي حرف يتيم واندفن
ملحقتش اتشاهد عليه
ولا احضرله مترين كفن
وانت احساس بيتولد
هي حاجه
وانت اهم حاجه
انت الشعور اللي ملكني
والاهل والعزوه
وانت الوطن
وانت الدمعه اللي بتريح
وانت الطهاره في حرف توبي
وانت الحضن اللي بداري
والركعه التايبه في ذنوبي
وانت المني وانت
احيانا بكون انت
واحيانا بشبهك
ولما والله بحتاجلك
بتبقي الصبر اللي يصبرني
في ايامي
وتبقي حروفي تتسابق
لتكتب لك
ولما احن واشتاقلك
الاقي حروفي سبقاني
بتنهدلك
ولما اتغابي واتوهم
باني خلاص
الاقي روحي رجعتلك
هي اخرة وجع طول
وانت بدايتي من الاول
وانت البسمه جوه دموعي
والراحه
وانت من غيركسوف
وبصراحه
النخزه اللي في خدك
لما بتتضحك
بتبقي مشاعري مرتاحه
احمد عبدالحق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.