.......مش هاتكلم فى التليفون......
مش هاتكلم فى التليفون
.............ولا هاكتبلك عمري أغاني
ولا هاسمحلك تتعبي قلبي
...............لحد ماعقلك يرجع تاني
ولا رح أفكر تاني أشوفك
...............ومهما ترني هسد وداني
ولاهاشكيلك أبدا أبدا
...........من إحساسي ونار وجداني
ولا هاتحايل تاني عليك
.........وعمري ماهبني عليك أماني
ولا هاتغزل تاني فى عيونك
.......واكشف نفسى واقول عجباني
دا انا ياحبيبتي كرهت حياتي
............لما وصلت خلاص لجناني
علشان قافلك للتليفون
..............دا مزعلني ومش إنساني
وكنت هقولك إنى بحبك
.......وإنت فى قلبى كمان وحشانى
وأهو عالهوا أرسلت رسالتى
............... علشان رني كتيرأعياني
وفيه أفعال منك ياحبيبتي
...............بتنرفزني ومش عجباني
منها لو بالصدفة قابلتك
...............تعملي إنك مش شيفاني
ولو عبرت فى يوم عن حبى
............وشوقي إليك ونار حرماني
فجاة بنظرة غيظ ياحبيبتى
...............وبعصبية تروحي كتماني
وتتهميني بإني بغشك
.............وباخدع نفسي وإني أناني
فأنا قررت أسكت مااتكلم
.............والتليفون رح أبيعه التاني
وهافضل عايش على ذكراك
..............لحد ما احس إنك عيزاني
ابقى أجيب آيفون وشريحة
...............ومعاه ليك علاج روحاني
علشان ترجعي تاني حبيبتي
................إللى بنظرة تكون فهماني
واللي تموت لو عرفت إنى
..................من أوجاع أو هم بعاني
لأني تعبت تعبت معاك
................ومن أفعالك قلبي جفاني
ونبضه ليل ونهار بيغني
...............أه ياانا منك أه ياني ياني
ياإللي أفتكرك وإنت تعاندي
.............وتبعدي عني ومش فكراني
ردي برنة ترد لي روحي
..............قبل مايجري بعمري زماني
ردي برنة ترد لي روحي
..............قبل مايجري بعمري زماني
................مع تحيات......................
............محمد جمال فايد................
.......جمهورية مصر العربية ............
...كفرشبرازنجي الباجور منوفية......
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.