كلمات/علاء أحمد عبدالنبي
*******************
......دموعك......
*****
مش دمعك هو أبدا
إللي يفكرني بيك.....
ولا جرحك إنت أبدا
إللي يرجعني ليك....
من يوم ما عرفتك إنت
نسيت كل إللى فات...
سكن فى القلب حبك
وعشقتك من سكات....
معرفش إن بإدايا
هرجع أدوق المرار....
وإللى زمان نسيته
رجع فى القلب نار....
من كتر أساك عليا
أسيت قلبي عليك.....
مش دمعك هو أبدا
إللى يفكرني بيك...
ولا جرحك إنت أبدا
إللى يرجعني ليك....
مهما تنزل دموعك
ويزيد حنينك ليا...
والنار إللى فى ضلوعك
سببها أساك عليا....
تشكي لمين الفراق
والشوق والليالي.....
دا أنا قبلك فى العذاب
والحب شغلي بالي....
من كتر أساك عليا..
أسيت قلبي عليك..
مش دمعك هو أبدا
إللي يفكرني بيك...
ولا جرحك إنت أبدا
إللي يرجعني ليك....
بكيتني إنت زمان
على هجر قلبك ليا...
دلوقتي جه الأوان
تجري دموعك شوية...
والدمع إللى فى عيونك
عمره ما أثر فيا....
علشان إنت إللى بادء
باﻷسوة زمان عليا...
من كتر أساك عليا
أسيت قلبي عليك...
مش دمعك هو أبدا
إللي يفكرني بيك...
ولا جرحك إنت أبدا
إللى يرجعني ليك ....
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.