آنين القلب
....................
يا اللي الوجع زارك
طمني أخبارك
طاب الألم ولا
سكن الألم دارك
هو الغرام خلا
قلبك بيتأوااااه
خاصم العتاب ليلك
بتداري في آنينك
زاد الوداد ولا
دمعك في منديلك
ولإمتى هتخبي
أشكيلي وأنا أجيلك
لو ذنبي في بعادي
شايفك أنا في وادي
لا لقلبي بتدفي
وبتنسا جاه ميعادي
حارمني أكون جارك
تحكي لي أخبارك
عايش عشان بينا
ضله وكمان جنه
زهر وورود حنه
نجمي في سما ليلك
هتضحي لوجودي
هرسم أنا حدودي
والفرحه تجمعنا
و يا دمعه لا تعودي
وبلاش عتاب سامح
وأرجع من إمبارح
أيام وهنعيشها
بينا الأمل طارح
يا اللي الوجع زارك
طمني أخبارك
طاب الألم ولا
هسكن أنا جارك
بقلم ..صبري رسلان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.