الفلوس
*******
الفلوس الفلوس
الفلوس لو مش بتسعد
متبقاش فلوس
تفيد بأيه الفلوس
مع النحس المتعوس
الصحة وراحة البال
احسن من الفلوس
كلمه وقالوها زمان
يكفيك شرالفلوس
*************
الفلوس الفلوس
الفلوس محتاجة ناس طيبة
تعرف تستخدم الفلوس
وتعمل الخير
وعلي الشر تدوس
ناس موجوده معانا
دور عليها بأبرة ودبوس
قلوبها فيها رحمه
يرحمها الملك القدوس
*************
الفلوس الفلوس
لو كل واحد طلع زكاته
بالرضا والمحسوس
مش ها يبقي في فقير
محتاج للفلوس
طلع يابخيل
المستخبي والمدسوس
واللي تحت البلاطة
احسن ياكلها السوس
***************
الفلوس الفلوس
جرب شوف مالك
ها يزيد لما تطلع فلوس
ها يبقي عندك اطيان
وبقر وجاموس
و الناس تدعيلك
يارب زيده من الفلوس
وعلي ايدك وش وضهر
يامتصدق. بوس
*************
كلمات بسيوني صديق
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.