حاليآ بالاسواق
كله خلاص بقى بالمجان
دقة قلب وكيلو حنان
بيعه وفرصه بسعر رخيص
ارخص م البسكوت ولبان
يلا قوام قبل ما حنشطب
عرضنا مش موجود ف مكان
قلب كبير بيحب يطبطب
حتي ان كان محروق ولعان
كله كمان بقى بالتسعيره
حب حقيقي ماهواش عيره
في عندنا في الروح اشواق
ونبض اضافي يموت م الغيره
نقاوه يا حب مافيش تعبيه
هات الشنطه وعبي وقيه
سعر رخيص وميزانه حلال
ودمع العين بقى للتسليه
كنت معلم بكسب ياما
فجأة لقيت جوايه ملامه
بعت وقولت يعوض ربي
حتي الحب بالف سلام
يلا يا ست ويلا ياسيدي
ادفع كاش او بالتقسيط
خذ م الحب ان كان في وريدي
واسحب ياما بلاش تنقيط
اصلي زهقت من القطاعي
قلبي خلاص بقي زاي الساعي
في عندنا توصيل لمنازل
حتي فلوسك مالهاش داعي
ياسر مهدي عمرو
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.