قصه عروسه مفتريه وعريس مغلوب على أمره بقلم زغلول الطواب

( يوميات زوجه مفتريه )

عروسه مفتريه وعريس مغلوب على أمره

قصه قصيره للكاتب

زغلول الطواب

العروسه : 

طبعاّ كده شهر العسل بح خلاص وبقيت تضايق من ريحة التوم والبصل. وكأنك يا حبيبي نسيت كل إللي حصل. نسيت لما كنت تقولي وتعيدلي وتزيدلي كأن الجواز بالنسبالك شهر وخلاص عسل جزر بصل المهم أكلت وشربت وودلعتك ودلعتني لما شبعت وإللي حصل وصل ولما تعبت خلاص زهقت ونسيت كل إللي حصل كنا نسهر للصبح نهزر وتأكلني بأيدك الشهد والسكر دلوقتي بقيت كوخه خلاص وتقرف من ريحة التوم والبصل طيب أعمل هاتلي خدامه يا بيه وأنا أبقى أجمل من نانسي وهيفا وأرقصلك حسن من تحيه ونجوى وأتعطر بالمسك والعنبر ولا أقولك بلاش خدامه هات تيك آوى يا سي سلامه بس المهم تسد وتقدر 

العريس :

بلاش يا حبيبتي الكلام إللي ينرفز ويعكر خلينا حلوين وزي السكر 

أيه رأيك أنا ممكن أهزر معاكي هزار خفيف بس خلي بالك أنا قلبي يا حبيبتي ضعيف ميتحملش منك غلاستك والهزار العنيف يعني وبإختصار الرحمه يا ظريفه بشويش واحده واحده متتعبنيش كلمه منك وكلمه مني الوقت هيعدي من غير تريقه ومن غير تلطيش ضحكه منك وضحكه مني

هنقضي وقت جميل وظريف أجمل حاجه في الدنيا الإتفاق

علشان منختلفش وميبقاش بينا خناق وإللي هيخلف المعاهده ميزعلش من التلطيش ولا أقولك علي حاجه السهره مش محتاجه أحسن حاجه نتعشي وننام خفيف خفيف

العروسه : 

آه قولي كده يا سي الخفيف بتهرب بصنعة لطافهيا ظريف

لا بقولك أيه أنا غضبي متقدرش عليه أنا ممكن أعديها مره وأتنين لكن التالته تابته لو فاكرها هتعدي لا يا نور عنيا متعديش كله إلا النهارده بقولك أيه خلص متتعبنيش

بلاش مناهده متفرهدنيش الحكايه سهله متخوفش

هنلعب عسكر وحراميه وبعدين مساكه من غير تنتيش

فيها حاجه دي يا خفيف عامل فيها عنتروفاكرني هبله طول الليل سارح بره وآخر الليل ترجع وتقولي معلش يا حبيبتي مفيش لا إنسى يا حبيبي يا خبتي ونصيبي وحيات مامتك الغاليه بس يصبح الصبح هروحلها وأقولها إبنك مينفعنيش

هخلي فيضيحتك بجلالجل ساعتها هتقلب عبله يا ظريف

أيه رآئك أنا خلاص قفلت معايا هنلعب عسكر وحراميه

ولا أشق هدومي وأصوت وأجيبلك البوليس

العريس :

إنتي عصبيه كده ليه أنا بهزر معاكي يا بنت الإيه قلبتيها ضلمه وإنتي الشمعه إللي بتنور حياتي ينفع كده يا أم دم خفيف عايزه تقولي لأمك وكمان تجيبي البوليس

مكنش العشم يا حياتي قومي عشيني ومتقلقيش بس ياريت يا حبيبتي متتأخريش

العروسه :

ومالو هعشيك يا عنيا لما أشوف آخرتها وياك يا ظريف

أجيبلك رز ومولخيه ولا تقضيها جبنه وتنام خفيف ولا أقولك أنا هعمل إللي عليا علشان ميبقاش ليك حجه يا خفيف

هعملك حمام محشي وكمان جمبري مشوي كده عداني العيب وشويه لما أشوف آخرتها وياك يا عنيا

العريس : 

بسرعه يا حبيبتي متتأخريش أنا أيه إللي خلاني بس إتجوزت منا كنت عايش حر من غير ست يخربيتو إللي شار علياوخلاني إتنيلت أنا راسي تقيله كده ليه شكلي هنام ولا أيه ربنا يستر ومتقتلنيش نفسي أمدد شويه النوم كابس عليا

شكلي كده هروح فطيس

العروسه :

العشا جاهز يا عريس يلا تعالى بسرعه الأكل سخن نار والعه

يخرب بيتك إنت نمت ولا أيه يا لههههههههههههههوي ليلتك سوده يابن الإيه وكمان بتشخر يا عنيا وأنا إللي كنت فاكراك عنتر وهتبقى فتوه عليا أديك نمت وشخرت ولا حصلت ليلي ولا عبله أما أنا صحيح طلعت هبله وقال أيه حضري العشا بتضحك عليا يا ظريف الصباح رباح يا خفيف هطفحك السم الهاري يمكن تبرد ناري أنا هخليك زي الديك الشركسي من غير عرف ولا ريش تعالي إلحقيني يامه تعالي غطيني وصوتي عليا عريس الهنا بح خلاص يامه يا عيني عليا وعلى بختك المايل يا فتحيه 

يا لهوي عليا كنت لي فين وأنا كنت لك فين هو النصيب بيتوزن بالدرهم ولا بيتقاس بالفدادين 

العريس : ما تتهدي بقا يا وليه خليني أنام وأرتاح شويه كان مالها بس الحريه منه لله إللي شار عليا وطقها فى راسي وخلاني إتنيلت وأتجوزت فتحيه كنت عايش براحتي أروح مطرح ماروح ولا حد يقولي كنت فين ولا جيت منين أنام وقت ما أنام وكنت أصحى علي مهلي مصاريفي كانت بتكفيني وعمري ما قولت لحد إديني 

معايا كتير معايا قليل محدش كان بيفضحني

مبحبش يا ناس الخنقه ولا الزن والمحاكمه وبحبش حد يضغط عليا أنا كان عقلي فين لما كتفوني بعقد وشبكه ودبلتين وقايمه فيها شيئ وشويه أعمل أيه بس يا ربي أروح فين وآجي منين أنا دلوقتي لازم أشوف حل إن شالله أمشي عريان وأخسر كل إللي عالحبل مش طايق سجن الزوجيه مع اللي متتسماش فتحيه

الزوجه : نعم نعم يا عنيا إنت فاكرها وسيه لا يا حبيبي دخول الحمام مش زي هروجو ولا إنت فاكرها تكيه

ولما أنت مش حمل الجواز ليه إتشمللت وقولت يا جواز ولا فاكر بنات الناس لعبه وتسليه

لا يا روح الجواز رباط بين إتنين بالموده والحب والإتفاق لو مش عاجبك بيني وبينك المحكمه يا عنيا الصباح رباح يلا نام وأرتاح بكره مش هتشوف النوم يا عنيا

ودي كانت نهاية شهر جواز عسل بمحلول البصل

بقلمي

زغلول الطواب