أمي
مش قادر اوصفلك مشاعري
وانا ببقي جايلك
بحس بروحي عليكٍ رايحة سبقاني مني و ليك ٍوخداني
تبوس خدك الوردي
تلمس حنان ايديكٍ
و بعطف قلبك الكبير تضمني ليكٍ يادنيا كلها حنان حاسس فيها امان وانا بين ايديكٍ
جوايا حاجة ماتتوصفش فرحتها مابتساعني
نفسي يامة اقولك بحبك
تعمل زلازل وبركان
نفسي الناس في العالم كلها تسمعني
وازاي يعرفوا انك عندي ست العالم دا كلة
انا عارفك سمعاني
ماانتي اللي جواكٍ
اتبنى بنياني
لحظة ما اتقلب كنت القيكٍ كتير حساني
مني كنت بتتالمي ولاقولتي بالاهة ياني
عارفك صبرتي عشاني واتحملتي
اوجاعك
لحد ماابتديت ولمشوار الدنيا انا جيت
وابتدا لعمري مشوار تاني
ماعمركيش ماليتي ولاقولتي كاليتي
من حملك اللي بيه شايلة البيت
ليلاتي بتسهري وبهمومنا وماشكلنا بتباتي تفكري
ولكل امور بيتنا وحياتنا بتدبري
شيلانا شيل من علي الارض فينا تفكري
وطول عمرك علي نفسك مابدوري
ولينا ولحياتنا تدوري
لو العمر يتوهب انا كنت وهبتولك
واجيبلك الكون لحد عندك وادهولك
واعملك من قلبي فرشة وعيوني تكون غطاكٍ
امي
ياهدية م الرحمن
ياحروف وصلها امان جنة من الرحمن
تسلمي لية وتعيشي
ياكل حتي من ريشي
جوة منها كنت برفرف وكبرت وكبر ريشي
اسبحي في روحي وجوة مني عيشي
ياكل كلمة وحرف ف كتابنا بحق الله
احفظ أمي زي ماهي زمانا حفظت و حماتنى من كل الاخطار
وسهرت تواصل الليل بالنهار لجل ماشوفش اخطار
وعدت بيه بر امان
أمي
لوتقدر الحروف قد ايه بكون ملهوف
لما عني لحظة تغيبي
بلاقي قلبي طب من الخوف
واجري وقلبي عليكٍ مخطوف عشان اجيك اشوف
واطرد من حوليكٍ خوف
بيملكني انك ف لحظة تسيبيني
أمي
مهما اقولك من كلام
ف وصفك مش هايوفيكٍ الكلام
واقفة عاجزة الحروف خجلانة
خايفة ماتكونش ممٌكنة
زي ماانتي جواية مالكة قلبي منة مُتمكنة
امي
الكلام عنك يطول ولو طولت وفيه اسطر فحقك واقول مش هايكونوا منصفين
..........
أمي
لوكُنتي نسيتي لساني ليكي فاكر
ايام شوفتيها بالاسية
واسيتٍ منها وانا لسة جواكٍ جنين
ونبض قلبك اللي فيكٍ راكن
فمهما اعلي لااعلي المناصب وتاخدني من نفسي تشدي المراكز
مش هاتغيرني ولاتاخدني منك الامكان
يالي افضالك عليه فاكرها
ومع الايام درسها ومهما يعدي علي من لفضلك مذاكر
أمي
ياصندوق سر كبير لعمري وحياتي
من يوم مافتحت عيني ع الدنيا لقيتك انتي نور عيني وحياتي
انتي مركبي وقلبك شراعة
لمسة ايديكٍ الحانية لبر الامان كنتي بتاخديني
لكل الطرق السالكة بتوديني
أمي
حبك لقلبي اصلي
بجذورة العميقة علي كل حواسي سيطر قصري
ياسكنة قلبي وهواكٍ حصري
أمي
أمي .....أمي
أمي.....
بقلم ابنك البار المخلص لك .... عبد المنعم مرعي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.