السيد محمود محمد
الحب الزائف
******************
بزياده تمثيل عليا
ماخلصت المسرحيه
وكل شئ علي حقيقته بان
لعبتي لعبتك عليا صح
بس كل شئ بان واتضح
وخلاص ان الاوان
بلاش تقولي انت ظالمني
وكلامك جارح وبيألمني
وتشكيلي مُر الزمان
••••••••••••••••••••••••••••••••••••
ليه كنتي بتوهميني
بانك دايبه فيا وحبتيني
خليتيني اوهبك كل ما فيا
وامنتك علي روحي وقلبي
حلفتي اني لوحدي
وانه لافيه قبلي ولا بعدي
سيبتيني في الوهم عايش
وانا باوهبك كل حبي
ماكنتش شايف في الدنيا غيرك
كنت واهبلك نفسي كاني اسيرك
وبعد كل اللي عملته عشانك
استغليتي ثقتي فيكي وطيبتي
••••••••••••••••••••••••••••••••••••
مش مسامح ولا يوم هاسمحك
مهما بان الندم فوق ملامحك
كام مره حلفتي وتبكي قصاد عنيا
وارجع احن ليكي واصالحك
بس خلاص فات وقت العتاب
الحب اللي كان ما بينا غاب
ضيعتيه باستهتارك ولعبك
كانه كان وهم وسراب
كان لازم افهم من البدايه
ان دي هتكون نهاية الحكايه
نهاية حب صادق من ناحيه واحده
مش مكتوبله يكمل للنهايه
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.