ادغال الزمن
عرفنا الادغال من زمان
وكان العجب ليها عنوان
كان فيها اسود وفرسان
وطيور جوارح وغربان
تعالوا بقا للادغال الان
عالم كله هرتله واجنان
تلاقى رجاله باسماء نسوان
لشباب عقله تايه وخرفان
والاسماء مستعاره كمان
دى ادغال الفيس يا جدعان
وناس اصبحت زى الخرفان
خايفين من حديد السجان
والافراح اصابة العقل بالجنان
خبط ورزع واختلاط كمان
والا الاستقرار ومعه الامان
واسعار الخضروات والبذنجان
والمرتب اللى راح فى خبر كان
من ايد الصراف لسداد الدكان
والخيبه لو فيه ولد تعبان
او اخوه عايز قلم وكرستين
او كلهم يقولوا فلوس الدرس فين
او البنت محتاجه جزمه وفستان
خلاص عرفوا كيفية الحرمان
ويعينى على كرامة الانسان
ضاعت حقوقه واتظلم واتهان
ولو مش ليه سند يبقى حزين
ويغور فى داهيه ده من الارهابين
شكله اصلا مش عجب سيادة الامين
والبنت بتعه بنت خالى ابو حسين
فتحت دكان خضار والكل عارفين
راس ماله بسيط يدوب يجى مائتين
وموظف المدينه عايز منهم عشرين
اتاوه ورسوم ومصريف وكمان تامين
ويعينى لو رحت مستشفى التامين
طابور طويل وكله مرضه وعاينين
قدام العيادات وفى الطرقات نائمين
والعلاج شوية جير وكام حبة اسبرين
والمياه والغاز والكهرباء والبنزين
مزانيه تانيه طب بالله نجيب منين
ولو قعدنا نقول ونحكى نقعد سنين
الحالة ضاقت يا بشر خليكوا عرفين
بقلم محمد الصيرفى
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.