قصيدة عامية / في ركن الغربة
-------------
بقلمي / عادل عمران
-------------------
في ركن الغربة بنتدًارا
من الآهة من الأحزان
ومهما قولنا يا خساره
دموعنا صوتها مش بيبان
ومهما نتوه
بنرسم دربنا قمرة وسهرايه
ياخدنا سكوت
نصبًر نفسنا بسهرة وغنوايه
تطلً الدمعة نحفيها
تحنً الآهة ننفيها
ولا نعشق غير الأوطان
في ركن الغربة بنتدًارا
من الآهة من الأحزان
ومهما قولنا يا خساره
دموعنا صوتها مش بيبان
في ركن الغربة بنكون
ونفرش حلمنا بيوت
ولمًا ملامحنا بتخون
بنرسم ضحكاية وصوت
تجمًعنا وتحضنًا
تدبًل همًنا فينا
ونحكيلها وتحكيلنا
وتتلملم حكاوينا
ونعزف على الأوتار
وننسى الرحلة والمشوار
وننسى سدودنا والجدران
في ركن الغربة بنتدًارا
من الآهة من الأحزان
ومهما قولنا يا خساره
دموعنا صوتها مش بيبان
زحام الغربة حوالينا
قلوبنا شوق بيجرحنا
مداين عاشقة تنفينا
مشاعر عايشة تدبحنا
قلوبها رخام
ولا إحساس ولا شعور
داير ما يدور
نلاقي السور وراه سور
بيعند دربنا قصادنا
يفرًقنا ويبعدنا
ونندم على اللي خان
في ركن الغربة بنتدًارا
من الآهة من الأحزان
ومهما قولنا يا خساره
دموعنا صوتها مش بيبان
بنصرخ لكن ف سكات
بنبكي لكن ف ضلوعنا
ونسرح ورا الذكريات
ولا وصلنا ولا رجعنا
أيام بتدور
عدًي العمر ما نشوفه
حنيين مكسور
بيتدًارى في ليل خوفه
وغربة هنا وهناك
ويا وطنًا ولا ننساك
ولو تنسى فينا الإنسان
في ركن الغربة بتندارى
من الآهة من الأحزان
وتزرعنا الغربة بمراره
ونترحًم على الأوطان
******
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.