قصيدة { أنا مصري مُهاب }
للدكتور/خالد عبدالحميد خربوش
••••••••••••••••••••••••••••••••••••••••••
أنا مصري مُهاب معمول لي حساب
معلوم أنا مين للبني آدمين
إلى يوم الدين شريف الأنساب
أنا مصري مُهاب
٠•••••••••••••••••••••••••••••••••••••••••••
أنا أصلي تاريخ وأنا المخيخ
رافض التلبيخ أو اكون عَيَّاب
أنا مصري مُهاب
•••••••••••••••••••••••••••••••••••••••••••••
ولا يوم مكروه حاولوا يُجُرُّوه
إلا اما شافوه حيلناه لـ سراب
أنا مصري مُهاب
٠•••••••••••••••••••••••••••••••••••••••••••
والقافله كمان ح تسير بأمان
حتى ولو بان لها عويِّ كلاب
أنا مصري مُهاب
٠•••••••••••••••••••••••••••••••••••••••••••
أنا داعي سلام قسيس وإمام
باصِّين قُدَّام مش خلف الباب
أنا مصري مُهاب
•••••••••••••••••••••••••••••••••••••••••••••
وبنفسي أجود وبروحي أذود
م انا خَيْر جنود على أغلى تراب
أنا مصري مُهاب
٠•••••••••••••••••••••••••••••••••••••••••••••
دي كنانة الله وشاملها حِماه
إفهموا إيِّاه دا فـ كل كتاب
أنا مصري مُهاب
……………………………………………………………
الدكتور/خالد عبدالحميد خربوش
من ديواني المعنون:
{إزاي يكون من غير سبب؟}
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.