{{ ودعي الأحزان كفاية }}
♡♡♡♡♡♡♡♡♡♡♡♡
ليه دموعك مخبياها
وأنا شايفها بدون أنين
قلبي حسك من كلامك
والشكوى دايما تودعيها
بس صوتك كتير حزين
الأماني اللي في عنيكي
طارحة فرحي من سنين
ليه النهاردة يبكي قلبك
وأنا ملكك فخور بحبك
يا زهر نادي و رياحين
نسيم عبيرك ويا رجوعك
يحي روحي اللي ماتت
لما شافت يوم دموعك
نازلة من لهفة و حنين
متخافيش م الدنيا تاني
أنا جنبك .... مخافيش
حبيب و أخ وابن حاني
وصقر فارس عليك أمين
ودعي الأحزان كفاية
الحكاية نبتديها من عنيكي
اللي كلامها بدون نهاية
ولجمالها هعيش سجين
والسعادة تكون زيادة
يوم ما ترضي بالوصال
ويكون بعادنا م المحال
ساعتها أقول الفرحة هلت
والدليل باين و واضح
ع الملامح و الجبين
------------------------------
شعر محمد عباس ابو عمر
21/2/2018
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.