#شجرة التوت
شجرة التوت العفيه
زي. الوتد
ماده الجدور
لحد. سابع. أرض
وطارحه حنيه
تلاقيها واقفه
بس. محنيه
ومجمعه. سرب الحمام
علي. ضحكة العصافير
وبهجة الكتاكيت
تحت ضلتها
وتلاقي. ضحكتها
متشعشعه بالنور
ومنشعه. بطيبه
بتخبي. دمعتها
تلاقيها بتحادي. علي
صف البيوت
اللي. ناعسانه. بأمان
ومطوبسه ناحيتها
شجرة التوت اللي. محنيه بشرف
وبكبرياء
تسعين. سنه
من الحزن. النبيل
والابتلاء
عدي. الزمان
كرمش. ملامح. وشها
بس. بغباء
شجرة. التوت اللي. كانت
لما. بتشوفنا
من. أول. الشارع
تسمع. لدقة. قلبها
تنهيد
زي. النشيد
تحضنا ضلتها
شجرة التوت. العفية
دي. اسمها ستي سعديه
شعر/عاطف الشيمي
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.