غبت كتير *** بقلم السيدابوطاحون
*********
غبت كتير والشوق اهو جابك
لأهلك و حبايبك و اصحابك
غبت كتير و اشتقت لأمك
مصر هواها بيجرى ف دمك
فيها النيل واقف على بابك
غبت كتير والشوق أهو جابك
*********
غبت كتير و رجعت لقيت
نفس الصحبه ونفس البيت
فيضان حب ف كل مكان
و زهور ترقص فى البستان
فاتحه قلوبها و جايه تضمك
غبت كتير والشوق اهو جابك
*********
غبت كتير و الشوق بيعلم
في القلب و الروح بتسلم
هيمان فى هواها وفى ترابها
عينك بتدق على ابوابها
و النور ويا الورد اتكلم
غبت كتير والشوق اهو جابك
*********
#غبت_كتير
#السيدابوطاحون
#الاخنوم
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.