انساكي والله كلام خيبان
انساكي والله مبقي انسان
انساكي هو انتي لساكي
فكراني حجر زي زمان
والله لو جيتي طليتي في قلبي
لتلقي الصخر من عشقي لان
ياما بت ف هواكي سهران
ياما حكيت نجومك
ولبستك ف السما نجومك
وزرعتك ورده ف البستان
ياما رويتك بدمي
كنتي امري وكل همي
كنت ليك حضن وحنان
ياما اشتكيت للسهر
وكان وقته وقت السحر
وانا قاعد وحدي ع البحر
مفيش غيرك والشجر
يسقط ورقه علي خدك
يصحي طيفك يونسني
دا اصلا ان كان نعسان
ياما حددتك وانتي غايبه
لو كنتي انسيتي .. اما كنتي دايبه
دايبه الوجع والدلع جو قلبي سوي
جامعه الفرح والحزن والاسم ان دا الهوي
وقلبي حيران
حتي السهر خاصمني
ولما سألته فين القمر يوانسني
كدب قالي القمر كسلان
اكمنك اخدتي مكانه
وخدتي نوره وحنانه
فالقمر غيران
ياما كنتي معايا ع الحلوه والمره
كنتي بالنسبالي كوم احزان لكنه بهتان
ياما لمست ايدك
وعقدت فتلة عقدك
اللولي علي جيدك
ونقطنا وكتبنا اسمينا
ع الورق بدمي ودمك
من وريدي وريدك
فانا خجلان
كيف انساكي وانتي مش بشر
وقلبك طيب لاهو قاسي ولا حجر
انا الغلطان
ياما شربت من خمرك فانا
مقدرش افوق منه لاني سكران
ياما سهرت وتخيلت
وتحندلت وتمندلت
وتنطط وتفشخرت
بغرامك يا ام عشق مزان
مفيش قلب غير قلبك
وعش غير عشك
وفرش غير فرشك
دفوني اما كنت بردان
فازاي عايزاني انساكي
هو انتي لساكي
فكراني حجر زي زمان
انساكي والله مبقي انسان
انساكي والله كلام خيبان
قصيدة/ أنساكي
كلمات/ حسين أحمد محمد دسوقي
Hussein Al Desoki
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.