أوعي ياأمي تكوني زعلانة
/////////////////////////////////////
اوعي ياأمي تكوني زعلانة
اوعي تكوني في يوم ندمانة
اوعي تقولي ياريته ما راح
ولا ليه قدم روحه...... امانة
/////////////////////////////////////
عهد أخدته...... ولازم اوفيه
ولا أفرطتش ....... أبدا فيه
أمن بلادي........ حلفت عليه
ووعد الحر ياأمي.... امانة
اوعى ياأمي تكوني زعلانة
///////////////////////////////////////
قولي واتباهي انا ابني شهيد
سابني بس ماراحش. بعيد
بحلم بيه في الجنة....... سعيد
حاسة بأنه لسه....... معانا
اوعى ياأمي تكوني زعلانة
/////////////////////////////////////////
مش محتاج غير بس دعاكي
واني أكون في الجنة معاكي
خلي الصبر ياأمي دواكي
وادعي لبلدي ياأمي.... امانة
واوعي تكوني في يوم زعلانة
/////////////////////////////////////////
كلمات / شرف الدين فاروق أحمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.