قصيدة....بعنوان../ القمر
بقلم.../ عاطف بيومى محمد
........................................
دا القمر غار من حبيبي
وحلف ما يظهر ف السحاب
بسبب النجوم المتشكله
وكتابه اسمه ليه عقاب
ولما اتغر وبنور ظهر
قلبه عليه بنات الحور
قالوله بلاش المنظره
عمرك ماتكون قدامه مغرور
ده احنا نورنا مش قدها
وبلاش تبوظ علينا الأمور
حتي الكواكب ضحكتلها
الشمس اللى جوها نار
حرية البحر من جمال اسمها
خلت موج البحر بقي اعصار
وحتي الهوا اللى بنتنفسه
بيشبه ريحتها من الازهار
دى هي ملاك على هئية بشر
يخلى العالم من جمالها يحتار
بيضلل عليه وراق الشجر
ورسم عينها بلون الأنهار
ده اسمها لوحده مش كفاية
ده كل حرف منه ليه اسرار
ده حتي السهر مخلوق ليها
ونور النهار عشان اختار
وبكل فخر اسمها سمر
اتحقق بس من اسمها
ده هو اللي احرج القمر
وحبب الموج فضرب الصخر
لمسه اديها دوا شافي
يطيب الجرح من الألم
ما هو ملاك مش من البشر
مسمي نفسه الأميرة سمر
.............................................
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.