قصيدة ..... / ساعه حب
بقلم ... / عاطف بيومى محمد
ده انا كنت براجع نفسي
ازاى انا قبلك كنت تمام
؛
انا يومي ازاى كنت بقضيه
وازاى انا قبلك كنت ف سلام
؛
عقارب الساعه ازاى بتمشى
وازاى انا كنت بعرف انام
؛
من قبلك كانت حياتي سوده
وكل الاحلام كانت اوهام
؛
الساعه حالفه ما تتحرك
والدقايق كانت كلها الغام
؛
مش عارف ازاى كان لساني
ازاى ينطق وكان بيطلع كلام
؛
بس الحياه معايا اتغيرت
لما انا شوفتك ف المنام
؛
حبيت القدر انو حقق حلمي
وبعتلك ليا بسرعه و اوام
؛
انا كنت زى الطفل ال فقد امه
مش لاقي حنان ولا صدر ينام
؛
سبحان اللى خلقك انت ليا
تكمل عمرى وتكون لى ختام
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.