((((( قوم يامصري )))))
يلا نبني و نزرع مزارع
نفتح مدارس نعمر مصانع
نبني كنائس نبني جوامج
قوم يامصري مستقبلك قدامك
تعالوا نعلي بنيان بلدنا
نروح للمستقبل بعلام ولادنا
نخلي الدنيا تشوف أمجادنا
قوم يا مصري حقق أحلامك
نحفر ونزرع وناكل زرع إيدينا
نخترع ونصنع و نسابق خطاوينا
نشكر جيشنا اللي بيحمينا
قوم يا مصري سابق أيامك
نشق نيل نحلي بحور
نبني مدائن بأرض النور
نشق طريقنا للعبور
قوم يا مصري دي مصر غرامك
إبني جامعات لإبني و إبنك
وخلي العلم ينور أرضك
ازرع و خضر أرض بلدك
بكرة الخير حيكون وسامك
قوم يا مصري إوعى تتكاسل
الإيد بالإيد نبني معامل
إرفع رايتك إوعى تجامل
قوم يا مصري الخير قدامك
ماتقولش فين و نجيب منين
دي أم الدنيا يا نور العين
الرزق عايز رجاله مخلصين
وإنت راجل قوم حقق احلامك
صائغ القوافي الشاعر
فهد بن عبدالله الصويغ
23-7-2017
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.