صعلوك بقلم محمد حلمي

صعلوك أنا .....
في وادي الديابه
لابس توب
الغلااابه
براقب عيونك
ياديب ....
الغل جواها
مريب
والغريب
ضاعت مني
المهااابه.......
جوع وقيد
والسلاسل مش
حديد
واللي حاصل
مش جديد
من عصر قشك
ياوقيد.....
محبوس في جبك
كااااام وليد
كااااام قتيل
والفتنه مش اكتر
من فتيل......
وتقوم القيامه
والنار بتنهش
في الخلايق
دول عبيد........
والديابه لابسه
توب الفضيله
وبتفرض الصبر
قانون.......
الصبر مفتاح الفرج
الصبر في زمن الهرج
بركان اتون.....
ياقمقمك ياايوب
امتي من عجزك
تتوب....
ويطلع العفريت
العقل تاه
من الجنون......
صعاليك بتصرخ
ياااااااااعمر.....
سرقو ميزان الكون
والحزن قطع
خلقات الكفن......
مات جوانا
العفن.....
بيقطع المصارين
الديابه مابيرحموش
الدم عشق
مابيشبعوش....
ياااااااااعمر....
نشف الجريد
جوه الوريد
الجوع فتيت
داااب وكفر......
ياااااااااعمر.......
افرد دراعك
زيح الغيوم
بدد هموم
الصعاليك.....
جوه حارة المماليك
بنموووووووت فطيس......

محمد حلمي...مخرج مسرح وشاعر