نداء بقلم المبدع نبيل الوردانى

( نداء )
بنده عليك إسمعنى
ياقلبى لا توجعنى
وللا أقولك دعنى
مابقاش يفيد الندا
شمت فيا الداء
كأنه كان مشتاق
ومنى كان مستاء
راحت أمالى سدى
شبط فيا الزهق
خلليت حياتى قلق
وفرحى لما اتسرق
سمعت رجع الصدى
دعيت عليك ربنا
تفضل كدا زينا
ولا يوم تنول الهنا
ولا حتى بعض الرضا
رضينا قال بالهم
صاحبنا حتى الغم
جايز في يوم يتلم
لكنه كان إبتدا
بالعله ورضينا
وقلنا يشفينا
ربك ويغنينا
مدينا ليه اليدا
يارب يا رحمن
يا خالق الإنسان
كل يوم لك شان
إنعم علينا بهدى
رقق قلوب خلقك
دا الرزق من فضلك
يارب من فضلك
إبعد شرور العدا
تكفينا لقمتنا
وحتى لو متنا
والجنه لمتنا
ح نروح نكيد العدا
( نبيل الوردانى )
<شاعر>