بعد الحب...بقلم سامى محمد..

الشعر سامى محمد
............................بعد الحب ..

بعد الحب اللى حبتهولك
بكلمة واحدة تعذبينى
بعد ما اتعودت اشوف عيونك
جاية منهم بتحرمينى
راح فين الحب كله
وقلبى بعدك ايه فاضله
وأصرحه ازى وأقوله
انك ماشية وهتسبينى
بعد الحب اللى حبتهولك
بكلمة واحدة تعذبينى

جبت من السما نجمة
وجبت من الهوى نسمة
وغزلت حب مينتهيش
والدنيا كانت مبتسمة
وبانولنا القدر والقسمة
بيت فيه نعيش
أه . بقول الأه بحرقة
لما لاقيتك مفرقة
لا أنا قد عذاب وفرقة
ولا قد نار الشوق تكوينى
بعد الحب اللى حبتهولك
بكلمة واحدة تعذبينى

كلمة لاه قولتيها
وأوهام كتير صدقتيها
وقولتى حب تانى مفيش
ازاى قدرتى تكرريها
طب كنتى فى قلبك خبيها
يا حبيبتى ومتجرحنيش
ولا انتى يعنى خلاص
نسيتى الحب والاخلاص
وراح منك الاحساس
وهجرتى قلبى وبعتينى
بعد الحب اللى حبتهولك
بكلمة واحدة تعذبينى
بعد ما اتعودت اشوف عيونك
جاية منهم تحرمينى ..