مستنياك ياروحى
مستنياك ياروحى / ياهديه من القدر
معاك تطيب جروحى / ومعاك يحلا السهر
بعد بكايا ونوحى / راح يظهر لى القمر
مستنياك بشوق / وبفرحه وابتسامه
وعيونى تنظر لفوق / تتمنى لك السلامه
وجودك ضياء وشروق / والبُعد عنك ندامه
مهما يطول انتظارى / صورتك ساكنه ف خيالى
فى ليلى او نهارى / حٌبك ده شىء مثالى
مابين سٌهدى ونارى / وبين حلمى وأمالى
قالوا الهوى غدار / انا قُلت هاتحمل
قالوا ده شهده مرار / انا قلت راح أكمل
قالوا دى جنتُه نار / فى النار راح اتأمل
قالوا كلام وكلام / وانا ساكته ومنتظره
وانا عايشه فى الاوهام / وجوارحى منكسره
لحبيبى الف سلام / ده انا ع البُعاد صابره
شعر احمد اسماعيل / شاعر العرب
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.