عنيكى متاهة
مكتوب انى اجيلك
على ضفافك من تانى امشى
احفر ف صخر الحياه
وعلى وتر قلبها
اغنيلك
واناديلك
ورغم القساوة والدموع
والخوف على ضوء الشموع
والتردد حين الرجوع
لسانى حاسس بانى
لابد ارحل فى ترابك
ومن قلب حباته
اتخلق
اتبدل
اسيل جوه شرايينك
تفتحى مشربياتك
ترمينى جواها
آه.... وآهين
عنيكى متاهة
وانا...
عطشان لعنيكى موت
عطشان يدخلنى صوت
من بواباتك العشرة
واحن للعشرة
لكين....
على بابك..... مشانق
جواكى........ مشانق
وانا الريــــح...
جوه قلبى....
زاعـــق
مستنى يشوفك
بس امتى وفين
آه..... وآهين
عنيكى متاهة
وانا....
عطشان لعنيكى موت
#بقلمى@سيدعبدالغنى عبدالصمد
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.