184 – لا تغضب ، روحي فداك و انا الكسبان
يا عمري الدنيا ما تسوى تنام وخاطرك زعلان
ولا بيها شي يستاهل يخلي قلبك أنان
طلبتك كان لي خاطر تبعد عنك الأحزان
فديت عيونك الحلوة تبسم وظل فرحان
حبيبي صار لي مدة أشوفك تايه وحيران
وانا والله لا شفتك حزين تزيد في قلبي لجلك الأحزان
أنا احبك ولا ودي تعيش بدنيتك ندمان
ترى الأيام محسوبة و العمر يا خلي زمن وفان
تصدق بسمتك والله تفرح خاطري الولهان
يطير من الفرح قلبي واصير بالهوى وسنان
ويلي لو شفتك بضيقة أحس اني انا الغلطان
أعاتب نفسي بنفسي ولو ما كنت أنا الغلطان
غلاك بداخل عروقي ولا يوصل غلاك انسان
يمر الوقت ويثبت لك غلاك أحلف بربك الرحمن
أضحي بعمري لعيونك تنام انته وانا سهران
و أدواي جروحك بروحي فداك الروح وانا الكسبان
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.