(بهية)
*******
سنين العمر بتعدي
وأنا مستني يا بهية
أقول بكره هتصفا لي
وأشوف الفرح بعنيه
وبكره يفوت
وبعده يفوت
ونقرب كل يوم م الموت
وحتى الموته لو حصلت..
أكيد هتكون بوحشية.
ومهما عملتِ بنحبك
ونفدي بالنفوس عرضك
ولو نرجع من الغربة
نبوس أرضك
ولو حتى
تقابلى الحب بقسية.
هاغنى لك مواويلك
ياساحره الخلق بعيونك
ياست الكل يا بهية
يا بحر كبير من الأسرار
ولا يقدر عليه بحار
ياليل رافض يزيحه نهار
يا مصرية.
*****************
(سامح الدياسطي)
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.