سمع هس
يامجدي نروح منك فين
عمال تعزف ع الونجين
ونج تقول يابلادى
وونج بتعشق
عادي
وإحنا نصقف
ع الصفين
تروح شمال
تروح يمين
بإعجابنا معاك رايحين
بأباريقك
بعقيقك
قلي واخدنا
ورايح فين
يلي الاصاله
في طبعك
مش هقولك
جايبها منين
مصرى؟
فرعوني؟
شرقاوي ؟
ولا عازف علي ربابه
ولا مغنواتي ؟
عارف تاريخها ؟ !
عادد نخيلها ؟!
سابح في نيلها ؟!
حتي ليل المحرومين ؟
طب أوول وسمعني
انت م الانس ؟!
ولا م الجان ؟!
انت فاهم ؟
ولا فنان ؟
عازف ؟
طب اعزف
كمان وكمان
طب عدلي الاوتار
وقلي
كام وتر تعبان ؟
عازف علي بهيه ؟
ولا علي الغلبان ؟
وست الحسن
أم اوام مخروط
ياواد
انت عازف
علي المظبوط
عاشق حتي الشقوق !!!
عاشق انت يامعشوق ؟!!
ان كان علي جدودي
والله علي الهرم
كانوا نقشوك
يافالح
وصالح
وجريء
يامذنب
وعاشق
وبريء
ياكاتم
يافاضح
ياسامع حتي الاباريق
من غير مجاملة
ولا تهيص
يابني
ياواد
انت فانوس م الفوانيس
بتقلي معاك ترابيس !!
يامغنواتي علي شطها
يا أحلي عريس
سمعنا بس بالراحة علينا
بشويش
سمع هس ياجماعه
دا مجدي بلاش تشويش
ليست هناك تعليقات:
إرسال تعليق
ملحوظة: يمكن لأعضاء المدونة فقط إرسال تعليق.