زمن العجايب...خالد والي

***زمن العجايب***بقلم /خالد والى
أه يازمــــن العجـــــايب
والخصم فيك عايـــــب
كلـــه ماشى مقــــــلوب
وصاحب الضميرغايب
وأه يازمـــــن العـــــدل
ليه القاضــــى خايــــب
الحــــــــــر فى المعتقل
وخلوا الحرامى سايــب
وحقه يــدوس ع الراس
أصــــله اداهـــــم نايب
قال ع المسلمين ارهاب
وابو دقــــــن مش تايب
وكلام فى أصـــل الدين
خللى اللــــــبن رايـــب
أصـــــل البعيد مجنون
للرب مـــــش هايــــب
فاكر الامـــــــور بايديه
ومهمـــــا يقول صايـب
بكـــــــره تجيبه رجلـيه
حتمـــــا للاله اايــــــب
واه يــــــازمن الحـقوق
الحق فــــيك ضـــــايع
غلبـــــــت أنادى عـليه
والقاضى مـــش سـامع
وااه يازمـــــن الحـقوق
حقـــــى راح فـــــــين
غلبــــــــت أدور علـيه
واللــــى يجيــــبه مــين
بقينا فى زمن عجــــيب
أصحاب الحقوق خايفين
واللى معاهم الحـــــقوق
فى الاصل ناس خايـبين
أطلــــب وقول حـــــقى
بقيت من الخاســــــرين
وجايز تلبـــــــس قضيه
وتبات فى السجن سنـين
وجايز تكون داعــــــش
أو من الارهابـــــــــيين
هنفضــــــــل نقول الااه
والااه معــــــــــاها أنين
ونقول لرب العبــــــــاد
احنـــا من الصــــابرين
يا تاخـــــــد اللى ظـــلم
يا تبتـــــليه مصـــيبتين

**************