خلي بالك..بقلم"محمد نايل"

***خلى بالك م المندسين
خلى بالك م المندسين
ناصبين للمودة كمين
مرة يتظاهروا بالدين
يسيئوا ويحرقوا كنايس
واخوانا بحيالهم خابرين
وسعات يلبسوا زي عساكر
ويطلعوا يقولوا منشقين
أو يقولوا الجيش غادر
وشرطة بتسحل من غيرلين
شعبنا فى الرحب
نسيج واحد
وجيشنا على قلب
راجل واحد
مهما يعملوا المأجورين
خلى بالك م المندسين
ناصبين للمودة كمين
*********************
دينا دين تعايش وأمانة
ميعرف غدر ولا خيانة
سماحة الإسلام
وصتنا بالإحسان
لكل ذمى ومعاهد
شهامة الإسلام
وصتنا بالإكرام
لحل جندى بيجاهد
يااخونا مش عايزة كلام
شعبنا فى الرحب
نسيج واحد
وجيشنا على قلب
راجل واحد
مهما يعملوا المأجورين
خلى بالك م المندسين
ناصبين للمودة كمين
******************
إخوانا يا قبطيين
حقكم تعيشوا فى أمان
لو فيه مهانة لكم
نمسحها بكل حنان
ضميرنا ليكم خالص
والقلب عليكم حانى وديع
دا الدين لله خالص
والوطن بيساعى الجميع
يارب ابعدنا عن الجرف
ووحد يارب الصف
وبصر جيشنابكل خاين وضيع
شعبنا فى الرحب
نسيج واحد
وجيشنا على قلب
راجل واحد
مهما يعملوا المأجورين
خلى بالك م المندسين
ناصبين للمودة كمين

بقلم
محمد نايل
البحيرة /مصر